Telemark har rike tradisjonar med bunader og draktsølv. Vest-Telemark bunaden kom i bruk tidleg på 1900-talet, og byggjer på draktskikken frå område på starten av 1800-talet. Bunaden har hatt fleire revisjoner opp igjennom åra, men etter 1950 er bunaden vorte meir standardisert i snittet. Broderimønsteret har fortsatt ulike samansetningar.
I Telemark finn ein særleg mykje filigransarbeid. Til Vest-Telemark bunaden er det vanleg med antikkforgylt sølv, også kalla gammelforgylt. Du bruker ein halsring og/eller hornring og bøheradsring og/eller slangesølje og bolesølje. Ein treng også mansjettknappar, 4 par maljer og kjede, beltespenne og eventuelt ring. Veskelås er også vanleg. Til herre; hornring med eller utan aks, knappar og mansjettknappar. Kniv, lommeur og kjede til er fint tilbehør. Kjede til hatten kan du også få.